Mag-asawa, 1 pa arestado sa shabu
MANILA, Philippines — Sa kulungan ang bagsak ng isang mag-asawa na sinasabing ‘tulak’ ng droga matapos masakote ng mga otoridad at makumpiskahan ng pinaghihinalaang shabu na may timbang na 250 gramo at nagkakahalaga ng nasa P1.7-milyon sa isinagawang buy-bust operation sa Brgy. Rosary Heights 3, Pigcawayan, North Cotabato, kamakalawa ng umaga.
Ang mag-asawang suspek ay kinilalang sina Basir Tanguan Tantong, alyas “Tapilak”, 42, at misis nitong si Vilma Pikit Tantong, 38, pawang taga-Brgy. Kadingilan, ng naturang bayan.
Kasama ring naaresto sa operasyon ang kasamahan nila na kinilalang si Alma Paglas Akmad, 28, taga-Cotabato City.
Ayon sa pulisya, noong nakaraang buwan pa nila minamanmanan ang mag-asawa dahil sa natanggap na ulat kaugnay ng kanilang ilegal na gawain.
Nakumpiska mula sa tatlo ang 5 medium size sachets ng shabu na may bigat na 250 grams at nagkakahalaga ng P1.7-milyon.
- Latest
