Hiling ni Jinggoy na magpasko sa HK, kinontra ng prosekusyon
MANILA, Philippines — “Philippines is more fun” kaysa sa ibang mga bansa dahil sa makukulay na pagdiriwang na ginagawa na kahit ng mga nakaraang henerasyon.
Ito ang naging payo ng prosekusyon kay dating senador Jinggoy Estrada nang maghain sila ng opposition letter sa Sandiganbayan 5th Division dahil sa hiling ng una na makapagdiwang ng Pasko sa Hong Kong.
Sa inihaing opposition letter ng opposition sa pangunguna ni Deputy Special Prosecutor Cornelio Somido, sinabi niya na hindi dapat payagan ng Anti-Graft court si Estrada na magtungo sa naturang bansa mula Disyembre 26 hanggang Disyembre 31,2018.
Giit ni Somido, walang mahigpit na pangangailangan para magtungo sa Hong Kong ni Estrada at ang layon lang naman ng pag-alis nito ay para magkaroon ng family bonding at magdiwang ng Christmas.
Pinuna naman ng prosekusyon ang inihaing mosyon ni Estrada kung saan nakasaad ang confirmed hotel bookings, subalit hindi naman kumpleto ang itinerary nito at walang numero ng telepono kung saan siya maaring makontak.
- Latest