Joy B: Mga biktima ng pang-aabuso, magreklamo!
MANILA, Philippines — Nanawagan si QC Vice Mayor Joy Belmonte sa mga kababaihan na nakakaranas ng sexual harassment o anumang uri ng pang-aabuso at karahasan na huwag matakot na magreklamo.
Ang panawagang ito ni Belmonte ay ang kanyang pagsuporta sa 18-Day Campaign to End Violence Against Women ng Philippine Commission on Women (PCW).
Sa simula pa lamang ng termino bilang bise alkalde ay sumusuporta na si Belmonte sa mga kababaihan kaya naitatag ang QC Protection Center (QCPC) na nagkakaloob ng libreng medical, legal o psychological assistance sa mga biktima ng gender-based violence.
Nanawagan din si Belmonte na respetuhin ang mga kababaihan para sa kanilang mahalagang kontribusyon sa lipunan sa iba’t ibang larangan at aspeto sa komunidad.
- Latest