Manila City Hall employees matatanggap na ang Xmas bonus-Erap
MANILA, Philippines — Halos nasa P300 milyon bonus at mga yuletide incentives ang matatanggap ng nasa mahigit 8 libong kawani ng Manila City Hall.
Ito ay matapos na ipag-utos ni Manila Mayor Joseph ‘Erap’ Estrada kay City Budget Chief Pamela Manzano upang sa ganun ay maging masaya ang Pasko ng mga kawani.
Sinabi ni Estrada na nararapat lamang na maramdaman ng mga empleyado ang “charity begins at home” dahil ang mga kawani ng lokal na pamahalaan ang buong taon na nagsisikap sa paghahatid ng serbisyo sa publiko at kumukulekta ng buwis para may magamit sa mga proyektong panglungsod.
Bukod sa 13th month pay, naibigay na rin ng city government ang iba pang Christmas package at mga dapat matanggap ng mga 8,466 city employees.
- Latest