Grade 10 student timbog sa paghithit ng marijuana sa school
MANILA, Philippines — Isang grade 10 student ang inaresto matapos mahuli sa aktong humihithit ng marijuana sa loob ng banyo nang pinapasukang eskwelahan, kamakalawa ng gabi sa Legarda St., Sampaloc, Maynila.
Ang suspek na itinago sa pangalang Jude ay dinakip ng guro na si Mark John Peña.
Ayon kay Peña, dakong alas-7:00 ng gabi ay naglalakad nang makaamoy ng usok ng marijuana na magmumula sa loob ng comfort room.
Pinasok ni Peña ang banyo at nang matapat sa pinto ay eksaktong lumalabas ang suspek at kinausap niya ito at napansin ang isang maliit na glass tube pipe na may marijuana kaya’t dinala niya ito sa security na siya namang nag-turnover sa pulisya.
Nakatakdang sampahan ng kasong paglabag sa Republic Act 9165 kilala bilang Comprehensive Drug Act of 2002 ang binatilyo.
- Latest
