Katapatan requirement ni Digong para makapagtrabaho sa gobyerno
MANILA, Philippines — Hindi eligibility kundi ang pagiging tapat ang requirement ni Pangulong Rodrigo Duterte sa mga nais makapasok at makapag-trabaho sa gobyerno.
“Basta’t tapat kahit walang eligibility ay aprubado ang dapat maging kuwalipikasyon sa hanay ng mga nagnanais na maging bahagi ng gobyerno”, wika ni Duterte.
Nilinaw din ng Pangulo na hindi niya minamaliit ang requirement na eligibility at ang nais lamang aniya niyang bigyang diin sa kanyang pahayag ay ayaw niya lamang na magkaroon ng mga maglilingkod sa pamahalaan na kurakot.
Ang pahayag ng Pangulo ay hindi bahagi ng pagpapapogi gayung kailangan naman talagang gawin ng bawat isa ang kanyang trabaho ng tama lalong lalo na ang nasa gabinete.
- Latest