Obrero itinumba ng 2 lalaki
MANILA, Philippines — Isang 42-anyos na construction worker ang nasawi nang ito ay pagbabarilin sa harap ng ginagawang gusali ng dalawang hindi pa nakikilalang lalaki sa Quezon City, kamakalawa ng gabi.
Kinilala ang biktima na si Winnie Tan Arellano, nakatira No. 30-B Katangian St., Brgy. Batasan Hills, Quezon City na nagtamo ng mga tama ng bala sa iba’t ibang bahagi ng katawan.
Sa imbestigasyon, bago nangyari ang krimen, dakong alas-7:00 ng gabi sa harap ng pinagtatrabahuhang under renovation na bahay sa No. 19 Katangian St., ng nabanggit na barangay ay abala sa paghuhugas ang kasama ng biktima ng paint roller brush sa loob ng kusina nang makarinig nang sunud-sunod na putok ng baril mula sa labas ng bahay.
Nang lumabas ito ay ay nakita ang duguang biktima na nakabulagta sa semento habang nakita niya ang dalawang lalaki na papalayo sa lugar.
Patuloy ang imbestigasyon ng pulisya sa motibo ng krimen at sino ang mga suspek.
- Latest