Vitas Sports Complex pinasinayaan
MANILA, Philippines — Sa layuning mailapit ang mga kabataan sa mundo ng palakasan at mailayo sa masasamang bisyo lalo na ang paggamit ng ilegal na droga ay pinasinayaan kahapon ni Manila Mayor Joseph Estrada ang bagong Vitas Sports Center sa Tondo, Maynila.
Ang sports center na may apat na kongkretong palapag na matatagpuan sa Brgy. 98, Zone 8, District 1 ng Maynila ay nagkakahalaga ng mahigit P108 milyon.
Libreng magagamit ang mga pasilidad tulad ng dalawang swimming pool, multi-purpose hall, gym, karate training room at zumba room.
Sinabi ni Estrada, sa pamamagitan ng mga itinayong pasilidad ay mahahasa at maaari pang madiskubre ang kagalingan ng mga manlalaro sa larangan ng sports.
Pagkatapos ng pasinaya ay sinaluhan ni Estrada ang mga dumalong mga barangay opisyal sa inihandang “boodle fight”.
- Latest