Sen. Poe, no. 1 spot sa RMN survey
MANILA, Philippines — Nagpasalamat si Sen. Grace Poe sa pagiging No.1 sa Radio Mindanao Network (RMN) 2019 Election Survey na resulta ng pagtatanong sa 3,382 katao na tinasa ng prestihiyosong Publicus Asia Inc. na pag-aari ng kilalang political analyst na si Malou Tiquia.
Nakakuha si Poe ng 72%,pumangalawa si Pia Cayetano (62%), pangatlo si Sen. Cynthia Villar (55%) no. 4 si Sen. Nancy Binay (52%); no. 5 si Lito Lapid (47%); no. 6 Sen. Sonny Angara (42%); no. 7 spot si dating Philippine National chief Roland “Bato” Dela Rosa (41%) kapantay si dating senador Serge Osmeña (41%).
Nasa No. 9 spot si Sen. Bam Aquino, No. 10 si Sen. JV Ejercito at No. 11 si dating senador Jinggoy Estrada na pawang nakakuha ng 40% sa mga boto.
Pang-12 naman si Ilocos Norte Gov. Imee Marcos kapantay si Sen. Aquilino Pimentel III sa natamong 37%.
May kabuuang 3,382 tagapakinig na mga rehistradong botante sa buong bansa ang nakapanayam ng RMN mula Nobyembre 6 hanggang Nobyembre 17, 2018 para sa RMN Networks 2019 Election Survey.
- Latest
