Cong. Romero tinaguriang ‘Mr.Tulong’

MANILA, Philippines — Ang 1-Pacman Partylist Rep. Mikee Romero ang isa sa miyembro sa Kongreso ang napakaraming natulungan mula sa “Iskolar ng Bayan” hanggang sa pagtulong sa pamamagitan ng medical and financial assistance.

Naging malaking tulong sa mga karatig probinsya sa nagdaang taon ang 1-Pacman Partylist kung saan makikita ang mga napaopera at napagamot bukod pa ang libong iskolar na nagkaroon ng agarang trabaho pagkatapos ng kanilang training o seminars.

Nagamit nang husto ni Romero ang kursong nitong management hindi lang sa pagpapalago ng sariling negosyo bukod pa sa pagiging pinaka-bata na naging matagumpay sa career.

Sa ngayon mas tumunog ang pangalan ng kongresista bilang “Mr. Tulong”, dahil sa pinapamalas nito ang tuloy tuloy at walang sawang pagtulong.

Naging maingay rin ang balita mula sa umpisa ay hindi kumukuha ito ng kanyang sahod sa kongreso dahil inuutos nito sa kanyang mga staff na i-lagay agad ito para makadagdag pa sa kanyang pondo para sa medical and financial assistance.