2 supporters ng kandidatong governor, itinumba
MANILA, Philippines — Pinagbabaril at napatay ang dalawang masugid na supporter ng isang reelectionist na gobernador sa lalawigan ng Albay, kamakalawa.
Kinilala ang mga nasawi na sina Rodel Pilot at Roland Lasara; pawang mga supporters ni Governor Jocelyn Bernos na tumatakbo muli sa posisyon.
Si Bernos ay muling tumatakbo sa ikalawang termino sa ilalim ng Hugpong Pagbabago ni Davao City Mayor Sara Duterte na makakatunggali si Dolores Mayor Robert Guzman Seares Jr., sa ilalim naman ng PDP Laban.
Batay sa ulat, bago nangyari ang pamamaril dakong alas-9:15 ng umaga sa highway ng Brgy. Kimmabala, Dolores ay kasalukuyang lulan ang mga biktima ng motorsiklo nang harangin at paulanan ng bala ng mga armadong suspek.
Kapwa namatay noon din ang dalawang biktima na nagtamo ng mga tama ng bala ng shotgun at M156 rifles.
Una nang sinabi ni PNP Chief P/Director General Oscar Albayalde na ang lalawigan ng Abra at Autonomous Region in Muslim Mindanao (ARMM) ay kanilang irerekomendang isailalim sa hotspots.
Pinaniniwalaan namang may kinalaman sa pulitika ang pamamaslang sa mga biktima.
- Latest