Trike vs van: 3 dedo
MANILA, Philippines — Nasawi ang tatlong katao habang isa ang nasa kritikal na kalagayan nang salpukin ang kanilang sinasakyang tricycle ng isang van sa national highway ng Brgy. Nemmatan, San Agustin, Isabela kamakalawa.
Ang mga nasawi ay kinilalang sina Romnick Mateo; Rolando Dulay; at Sammy Vidad, kapwa nasa hustong gulang. Habang malubhang nasugatan ang driver ng tricycle na si Jelson Andres.
Batay sa ulat, dakong alas-8:30 ng gabi ay bumabagtas ang tricycle sa barangay road nang bigla itong lumabas sa highway na siya namang pagdating ng Hyundai Starex van na minamaneho ni Victor Abarra, 47 at nasalpok ito.
Sa lakas nang pagkakasalpok ay tumilapon ang mga biktima sa kalsada na dinala ng mga nakakita sa ospital, kung saan ay hindi na umabot ng buhay ang mga ito.
- Latest