Mag-ama tiklo sa shabu
MANILA, Philippines — Isang mag-ama ang dinakma ng mga otoridad matapos na masakote sa isinagawang buy-bust operation sa General Trias City, Cavite, kamakalawa ng gabi.
Humihimas na sa rehas ang mag-amang sina Ryan Gonzales at anak nitong si Rojan, residente ng Sunny Brook 2 ng naturang lungsod at pawang nasa drug list ng pulisya.
Sa imbestigasyon ng Gen. Trias Police, dakong alas-6:00 nang ikasa ang operasyon laban sa mga suspek matapos ang ilang araw na surveillance.
Makaraang magkapalitan ng droga at buy-bust money ang mga suspek at ang poseur buyer na pulis ay agad na dinakma ang mag-ama at nakuha sa mga ito ang may 2. 4 gramo ng shabu na nakalagay sa 5 plastic sachet.
Nabatid na matagal nang nagtutulak ang mag-ama at kadalasan ay ang anak ang nakikipagtransaksyon sa kanilang mga buyer.
- Latest