Pagbasura sa TRO ni Trillanes, gawing pinal-Solgen
MANILA, Philippines — “Gawing pinal ng Korte Suprema ang pagbasura sa petisyon ni Senador Antonio Trillanes IV na kumukuwestiyon sa pagpapawalang bisa ng Malacañang sa kanyang amnestiya”.
Ito ang nais ng Office of the Solicitor General (OSG) at sa 200-pahinang komento ay tinukoy ng una na mismong ang kampo ng petitioner ang umamin sa pagdinig sa Makati Regional Trial Court Branch 150 noong September 13, 2018 na wala siyang aplikasyon para sa amnesty.
Ginawa pa raw na attachment o kalakip ng senador sa kanyang petisyon ang news article kung saan tumanggi siyang umamin umano ng guilty o pagkakasala.
Hindi rin nakatugon si Trillanes sa utos ng Makati RTC Branch 148 noong 2010 na isumite ang kanyang aplikasyon.
Natuklasan pa umano ng OSG na ang petisyon na inihain sa Korte Suprema ay hindi naman napanumpaan ni Trillanes sa harap ng isang Notary Public.
“The Senate has no record of Notary Public Atty. Jorvino Angel going in and out of the Senate on 5 September 2018, the date when Trillanes purportedly swore in his Petition,” paglalahad ng OSG.
Kaduda-duda rin umano ang lagda ni Atty. Angel dahil kaiba raw ang pirma nito sa petisyon ni Trillanes kumpara sa iba pang dokumento na kanyang ni-notaryo.
Hinihiling din umano ng OSG sa Makati RTC Branch 148 at 150 na magpalabas ng warrant of arrest laban kay Trillanes.
- Latest
