5 dam nagpakawala ng tubig

MANILA, Philippines — Limang Dam ang nagpakawala ng tubig kahapon matapos lumabas ng bansa si bagyong Ompong.

Kabilang ang Ipo Dam sa Bulacan, Ambuklao at Binga Dam sa Benguet, San Roque Dam sa Pangasinan at Magat Dam sa Isabela.

Ang Ambuklao Dam ay nagtutungo sa Binga Dam at mula dito ay baba ang tubig sa San Roque Dam at saka dadaloy sa Agno River.

Gaganda na umano ang lagay ng panahon ngayong Lunes matapos lumabas patungong China ang bagyong Ompong.

Napanatili ni Ompong ang lakas na 145 kph kada oras at may maximum sustained winds na may gustiness na 180 kph.