Brgy.chairman sa Maynila itinumba

MANILA, Philippines — Dead on the spot ang isang barangay chairman sa Maynila matapos na barilin ng hindi pa nakikilalang suspek habang sakay ng kanyang motorsiklo kahapon ng tanghali.

Ang nasawi dahil sa dalawang tama ng bala ng kalibre 45 ay kinilalang si Barangay Chairman Angel Joy Rivero, 52, ng Brgy 330, Zone 33.

Sa ulat, bago naganap ang pamamaril dakong ala-1:50 ng tanghali sa panulukan ng Burgos at Ma. Orosa ay katatapos lang ng biktima na dumalo sa isang anti-illegal drugs seminar sa Ermita, Maynila.

Pabalik na ito sa kanyang bahay nang dikitan ng isang motorsiklo lulan ng dalawang katao at binaril ng dalawang beses sa ulo.

Nabatid na ang biktima ay kilala umanong isang anti-illegal drugs advocate pero hindi umano niya alam kung may kaaway ang biktima.