Duterte pinangunahan ang paghahanda kay Ompong
MANILA, Philippines — Pinangunahan ni Pangulong Rodrigo Duterte ang isang command conference ng National Disaster Risk Reduction and Management Council (NDRRMC) upang matiyak na ang bansa ay nasa pinakamataas na paghahanda laban sa pagdating ng bagyong Ompong.
Ayon kay Presidential Spokesperson Harry Roque na nasa P1.7 billion na food packs at relief assistance ay handa nang ipamahagi sa mga posibleng maapektuhan nang pananalanta ng bagyo.
Si Ompong ay napabalitang sasalantahin ang lalawigan ng Cagayan sa Sabado ng umaga na may dalang malakas na ulan sa sukat na 900-kilometer diameter.
“Naka-red alert na po ang NDRRMC at naka-activate na rin ang kanilang Response Cluster. Samantala,ang reporting systems naman po ng Department of Interior and Local Government (DILG) ay naka-activate na upang masubaybayan ang paghahanda ng mga lokal na pamahalaan partikular na ang kanilang pre-emptive evacuation,”wika pa ni Sec. Roque.
Idinagdag pa ni Roque na may mga Quick Response Teams na na nakadeploy sa probinsya ng Batanes at nakapag-establish na rin ng mga alternatibong communication devices para tiyakin na bukas pa rin ang mga linya ng komunikasyon sa pagtama ng bagyong Ompong.
- Latest
