PDEA agent, bebot tiklo sa droga
MANILA, Philippines — Swak sa kulungan ang isang ahente ng Philippine Drug Enforcement Agency (PDEA) at kasama niyang bebot matapos silang masakote ng mga tauhan ng Quezon City Police District (QCPD) habang aktong nagbebenta ng droga sa Banawe corner Del Monte, Quezon City, kamakalawa ng hapon.
Ang dalawang suspek na iniharap sa mga mamamahayag nina National Capital Region Police Office (NCRPO) Director, P/ Director Guillermo Lorenzo Eleazar at (QCPD) Director, P/Chief Supt. Joselito Esquivel Jr. ay nakilalang sina PDEA Agent Mario Luisito David Israel, naka-assign sa Region IV-A, 42 at Cynthia Eusebio 48, kapwa residente ng Blk 23 Lot 6 Garden Villas, Sta Rosa.
Ayon kay La Loma Police Station 1 P/Supt. Robert Sales isang confidential informant ang tumawag sa kanila hinggil sa on-going drug deal sa Banawe St., cor. Del Monte Ave., Quezon City.
Dakong alas-5:30 ng hapon, agad na nagresponde ang grupo ni Sales sa lugar at doon nila dinatnan ang dalawang suspek kung saan nakuha sa kanila ang 5 sachet ng shabu, isang Glock 9 na baril at isang Mitsubishi Lancer na kotse na may plakang UPJ-337.
Sa ngayon ay nahaharap na kasong paglabag sa Comprehensive Dangerous Drugs Act of 2002 at Illegal Possession of Firearm ang dalawa.
- Latest
