Lalaking nakaposas, itinumba
MANILA, Philippines — Pinagbabaril hanggang sa mapatay ng dalawang lalaking sakay ng isang motorsiklo ang ibinababa nilang lalaki na nakaposas kahapon ng madaling araw sa Sta. Cruz, Maynila.
Ang biktima na sinalvage ay nakilala sa pamamagitan ng ID na nakuha sa katawan nito na si Rommel San Gabriel, residente ng Yakal St., Tondo, Maynila.
Nang silipin ng mga otoridad ang kuha ng closed circuit television (CCTV) sa erya ng San Lazaro st., sa Sta Cruz, Maynila, Barangay 388 ay nakita ang motorsiklo na may tatlo ang sakay kung saan nasa gitna ang biktima na walang malay na ibinababa at iniwan.
Pero, ilang saglit ay bumalik ang dalawang sakay ng motorsiklo at pinagbabaril ang biktima bago tumakas sakay pa rin ng motorsiklo.
- Latest