Philippine Navy ide-deploy sa Libya

MANILA, Philippines — Naghahanda na ang mga elemento ng Philippine Navy sa deployment ng barkong pandigma at tauhan nito para tumulong sa Department of Foreign Affairs (DFA) upang sagipin ang tatlong Pinoy at isang South Korean national na binihag ng mga armadong grupo sa Libya.

“As your Philippine Navy completes the facts on the ground, it is also preparing for the deployment of a Naval Task Group to assist the Department of Foreign Affairs in the situation in Libya”, pahayag ni Philippine Navy Spokesman Commander Jonathan Zata.

Ito’y kasunod ng pahayag ni Pangulong Rodrigo Duterte nitong Biyernes na magpapadala siya ng warship ng PH Navy kasama ang team nito upang tumulong sa pagsagip sa mga bihag na tatlong Pinoy engineer at isang South Korean doon.

Ang tatlong Pinoy at ang South Korean ay binihag ng mga armadong grupo  sa isang water project sa western Libya noong Hulyo 6 ng taong ito habang kinumpirma naman ng Philippine Embassy sa Tripolo na mga Pinoy ang nasa video na kumalat sa Libya nito lamang mga nakalipas na araw.

Sinabi ni Zata  na maaari na nilang ideploy anumang oras ang Philippine Navy na binubuo ng Fleet Marine component .

“ Initially, the Philippine Navy has directed its Liaison Officer, Captain Donn Miraflor PN, who is attached to the Combined Maritime Forces based in Bahrain, to coordinate with the Hon. Boy Melicor, our Charge d’Affaires in Tripoli, Libya”, pahayag pa ni Zata.