Pusher timbog sa P 1.7-M shabu

MANILA, Philippines — Isang 36-anyos na drug pusher ang naaresto ng mga otoridad sa isang buy bust operations kamakalawa sa Don Rufino Alonzo Street, Barangay Poblacion Singko, Cotabato City.

Kinilala ang suspek na si Ezrael Panimbang Mamalangka, residente ng Pansacala St. ng lungsod.

Batay sa ulat, dakong alas-3:00 ng hapon nang maaresto ang suspek na nagbenta ng 50 gramo ng shabu sa isang poseur buyer na nagkakahalaga ng P130,000.

Nang halughugin ang motorsiklo ng suspek ay nasamsam ang limang pakete ng shabu na may bigat na 250 grams na nagkakahalaga ng P1.7 milyon.

Nabatid na matagal nang sinusubaybayan ng mga otoridad si Mamalangka na itinuturing na high value target.