Drug pusher timbog sa 7 kilong shabu
MANILA, Philippines — Nasa 7 kilo ng shabu ang nasamsam sa isang 29-anyos na drug pusher na si Joshir Dela Cruz Bernardo matapos na ito ay madakip sa isang buy bust operation kahapon ng madaling araw sa San Andres Bukid, Maynila.
Sa ulat, nagkasa ng buy-bust operation ang pulisya laban sa suspek at nagkasundo na makikipagkita sa poseur buyer sa isang lugar sa Makati City.
Subalit, hindi natuloy ang transaksiyon at nagkasundo na magkita sa Aviadores sa kanto ng Depenido Sts., San Andres, Bukid na kung saan dakong alas-4:00 ng madaling araw nang sumulpot ang suspek.
Nang magbabayaran na sa kinuhang items ay doon na sumulpot ang mga otoridad at inaresto ang suspek na nasamsaman ng mahigit kumulang na 7 kilong shabu na nagkakahalaga ng P47.6 milyon.
- Latest