Loose firearms nagkalat – Lacson
MANILA, Philippines — Nagkalat umano ang mga armas na walang lisensiya dahil sa magkasunod na pagpatay sa dalawang mayor.
Ito ang inihayag ni Senator Panfilo Lacson kaya’t muli nitong kinalampag ang Philippine National Police (PNP) na dapat magkaroon ng mahigpit ng firearms control.
“I reiterate my call to the PNP na magsagawa sila, put in place a stricter firearms control or some control measures. Kasi masyadong nag-proliferate ang illegal firearms, loose firearms. Not only loose firearms,” sabi ni Lacson.
Ayon kay Lacson na noong siya pa ang hepe ng PNP ay nangarap siya na dapat ay mga militar at pulis lamang ang may armas na kung saan sa ngayon ang Pilipinas lamang ang bansa sa Asia na kahit na sino ay maaring magdala ng baril.
Idinagdag ni Lacson na sa ngayon ay ordinaryo na lamang ang pagdadala ng baril kahit ng mga nakasibilyan kung saan naiisip ng mga mamamayan alagad ang mga ito ng batas kaya hindi isinusumbong sa otoridad.
- Latest