Rali sa SONA aprub kay Digong
MANILA, Philippines — Aprub at walang nakikitang masama si Pangulong Rodrigo Duterte sa pagnanais ng mga militanteng grupo na makapagpahayag ng kanilang saloobin sa pamamagitan ng protesta sa kanyang ikatlong State of the Nation Address (SONA).
Subalit, kailangang sundin ng mga ito ang kanyang kondisyon at ito ay ang mapayapang paglalabas ng hinaing at reklamo nila sa mga isyu sa bansa.
Hindi aniya dapat magdulot ng gulo ang kanilang ikakasang protesta dahil kung hindi ay pwersa ng pamahalaan ang kanilang makakatapat.
Ayon pa sa pangulo, malaya ang mga Pinoy na pansinin ang polisiya ng pamahalaan ngunit kung mga dayuhan ang mangingialam sa bansa ay hindi niya ito papayagan. Magaganap ang SONA sa ikatlong Lunes ng Hulyo.
- Latest