Drug buy bust: 5 pusher napatay

MANILA, Philippines — Limang pinaghihinalaang drug pusher ang nasawi sa magkakahiwalay na buy bust operation sa Quezon City, Bacoor City, Cavite at Malolos City, Bulacan.

Napatay ng Quezon City Police District dalawang drug pusher na kinilalang sina Robert Rivera at Randy Matias sa Brgy. Holy Spirit, dakong alas-2:00 ng madaling araw.

Narekober mula sa mga suspek ang 10 plastic sachet ng hinihinalang shabu, mga drug paraphernalia, at dalawang kalibre. 38 na baril.

Sa Bacoor City, Cavite ay nakilala sa mga alyas na Lorick at Romiel ang dalawang napatay na suspek sa isinagawang buy bust operation sa Bacoor Boulevard, Brgy. Niog 3. Narekober sa dalawang suspek ang 2 maiksing baril at mga shabu at paraphernalias.

Kinilala lang sa alyas na Role ang napatay na suspek sa buy bust ­operation sa Old Cagayan Valley Road, Brgy. Sto.Cristo, Malolos City, Bulacan.

Nabatid na pawang nanlaban ang mga napatay na drug suspect matapos na pumalag sa pag-aresto sa kanila.