‘Impeach’ sa 8 SC justices walang makukuhang suporta

MANILA, Philippines — Hindi susuportahan ng minorya sa Kamara ang impeachment complaint na ihahain ng Magnificent 7 laban sa walong Mahistrado ng Korte Suprema na pumabor sa quo warranto laban kay dating Chief Justice Maria Lourdes Sereno.

Ayon kay ABS Rep. Michael Eugene de Vera, na dapat irekonsidera ng Magnifient 7 ang nasabing plano at dapat respetuhin na lamang ang desisyong nagpatalsik kay Sereno.

Wala rin mararating ang ikakasang reklamo sa walong mahistrado dahil ginawa lamang ng mga ito ang kanilang trabaho nang desisyunan ang quo warranto petition matapos itong ihain ng Solicitor General.

Iginiit naman ni Buhay Rep. Lito Atienza na walang pupuntahan ang hakbang na ito ng Magnificent 7 at siya ay walang balak na sumama sa mga walang tiyak na pupuntahan.