2 patay sa karambola ng 5 sasakyan
MANILA, Philippines — Patay ang dalawang katao habang 11 ang nasugatan matapos magkarambola ang limang sasakyan kahapon ng umaga sa kahabaan ng Maharlika National Highway sa Brgy. Mabini, Libmanan, Camarines Sur.
Ang mga nasawi ay kinilalang sina Leoncia Mangarin, 60, school principal, residente ng Camella Homes, Brgy. Del Rosario, Naga City; at Roel Peña, ng Pili.
Ang mga nasugatan ay kinilalang sina Francesca Abayo, 75; Socorro Adiova, 65; Felicidad Canet, 93; Albert De Vera, 61; Susanne Maner, 34; Naoki William Pena, 9 na buwang gulang habang inaalam pa ang pagkakakilanlan ng lima sugatan.
Sa ulat ng pulisya bago naganap ang sakuna dakong alas-5:30 ng umaga, ay minamaneho ni Peña ang Toyota Avanza (VQ-2943) at binabaybay ang kahabaan ng highway nang bumangga ito sa kasalubong na Tripolds Bus (EVP-896) na minamaneho ng isang alyas ‘Felimon’ na nawalan ng kontrol at bumanga sa itim na Ford Everest (XTW-311) na minamaneho ni Silvestre Mangarin na kung saan ay lulan si Leoncia.
Subalit,nabangga naman ito ng sumusunod na Philtranco Bus (ABG-7609) na minamaneho ni Alex Candia, 39 kung saan bumangga naman sa kanila ang sumusunod na truck (RHC-967) na minamaneho ni Arnold De Leon, ng Sta. Rosa, Laguna.
Patuloy ang masusing imbestigasyon ng mga otoridad sa kaso.
- Latest
