Nanalong tserman tinodas
MANILA, Philippines — Hindi na nakaupo sa kanyang puwesto ang bagong halal na barangay chairman nang pagbabarilin ito ng mga suspek na nakamotorsiklo kahapon ng umaga sa San Jose, Batangas.
Kinilala ang nasawing biktima na si Demetrio Deomampo, 51, bagong halal na chairman ng Brgy.Buso-Buso, Laurel, Batangas .
Sa imbestigasyon, bago nangyari ang krimen bandang alas-8:25 ng umaga sa Brgy. Pinagtulung-ulan ay lulan ang biktima ng kaniyang Isuzu Hilander (VAB-761) patungo sa national highway nang dikitan ito ng mga suspek na sakay ng isang motorsiklo at pagbabarilin.
Napuruhan ng mga tama ng bala sa iba’t-ibang bahagi ng katawan ang biktima na agad nitong ikinamatay.
Sinisilip ng pulisya ang pulitika sa motibo ng krimen.
- Latest