Pekeng Dengvaxia cards kumakalat
MANILA, Philippines — Kumakalat ngayon ang pekeng Dengvaxia cards na tulong para sa mga lehitimong nabakunahan ng Dengvaxia vaccine.
Ito ang naging babala ni House Appropriations Committee Chairman Karlo Nograles matapos na ipinamahagi ng DOH noong Enero sa mga estudyante na naturukan ng Dengvaxia at ginagamit para sa pag-monitor ng kalusugan ng mga nabakunahan na magagamit din para sa pagpapa-ospital at gamutan ng mga pasyente na naturukan.
Kaya’t pinakikilos ng kongresista si Health Sec. Francisco Duque III na maglagay ng safeguards sa verification ng Dengvaxia cards at pinatutukoy ang mga pekeng cards.
Pinagagawa din ang DOH ng database para ma-verify kung talagang totoong vaccinees ang humihingi ng tulong sa gobyerno.
Nilinaw naman ni Nograles na handa ang Kamara ng supplemental budget sa DOH para sa mga Dengvaxia victims sakaling iprisenta nang maayos ng ahensya ang kanilang panukalang pondo.
- Latest