Naghahamon ng away, dinakip sa gun ban

MANILA, Philippines — Inaresto ang isang 23-anyos na lalaki na armado ng sumpak sa pinaiiral na Comelec gun ban nang matiyempuhan ng mga pulis na naghahamon ng away kahapon ng madaling araw sa panulukan ng Wagas at Sandico Sts., Tondo, Maynila.

Ang suspek ay kinilalang si Aldrin Orale, tambay at residente ng no. 313 Masinop St., Tondo, at nakumpiska ang improvised shotgun na kargado ng isang bala.

Sa ulat, dakong alas-4:00 ng madaling araw ay nagsisigaw ang suspek na naghahamon ng away kaya’t tumawag ang mga residente sa pulisya.

Inaresto ang suspek ng mga pulis at bukod sa sumpak ay nakuhaan din ito ng isang plastic sachet ng shabu.