Roque-Frigate project ‘done deal’ sa panahon ni Aquino
Former Navy chief itinanggi na nakialam si SAP Go...
MANILA, Philippines — “Done deal” na sa panahon pa ni dating Pangulong Noynoy Aquino ang kontrata para sa frigate project na computer system sa mga barko ng Philippine Navy.
Ito ang iginiit kahapon ni Presidential Spokesman Harry Roque matapos na inakusahan ng Rappler report na pinanghimasukan umano ni Special Assistant to the President Bong Go ang nasabing kontrata na mariing itinanggi naman nito.
Bukod dito ay nagpalabas din ng pahayag si former Navy chief Vice Admiral Mercado na hindi kailanman nanghimasok sa Frigate project si SAP Go.
“Now on June 30 as you all know the President assumed office and the only involvement of the Duterte administration in this regard is the ministerial issuance of the Notice of Award. Note that under the government procurement law, a bid once it has been awarded is then given a Notice of Award and all that Secretary of National Defense Lorenzana did on August 18, 2016 was to issue the Notice of Award,” paliwanag pa ni Roque.
“What does this mean? Well of a contract has been given/awarded that means it is futile to intervene. Na-award na po iyong kontrata, bakit pa manghihimasok si SAP Go. Manghihimasok lang po kayo kung wala pang Notice of Award at pupuwede pang ma-influence kung sino o kung kaninong produkto ang bibilhin ng gobyerno,” dagdag pa ng presidential spokesman.
Wika pa ng presidential spokesman, kaya malinaw na wala talagang katotohanan ang inilabas na ulat ng Rappler at wala rin aniyang matibay na ebidensiyang nai-presenta dito ang nabanggit na on line news organization.
Idinagdag pa ni Roque, walang katuturan at tsismis na walang basehan ang inilabas na ulat ng Rappler ukol kay Sec. Go.
“I have not intervened in the procurement of DND of its computer system for its ships. I have not participated nor intervened, directly or indirectly, in the transactions of DND. Further, I even have no information nor knowledge of the said transaction. Clarification on the issues should be addressed to SND Lorenzana,” paliwanag naman ni Sec. Go.
- Latest
