Ginang inatado ng kumpareng lasing
MANILA, Philippines - Mistulang tinadtad na karne ang sinapit ng isang 44-anyos na ginang nang pagtatagain ng kanyang kainumang kumpare kamakalawa sa Brgy. Mandih, Sindangan, Zamboanga del Norte.
Hindi na umabot ng buhay sa ospital ang biktimang si Mercy Antugon.Habang ang suspek na sumuko sa mga elemento ng Army’s 20th Special Forces Company ay kinilalang si Jerry Asoroy, 30.
Batay sa ulat, bago naganap ang krimen dakong alas-5:00 ng hapon sa Sitio Campo Dos, Brgy. Mandih ay nag-iinuman ang biktima at suspek nang kapwa malasing ay nagkaroon ang mga ito ng mainitang pagtatalo sa hindi pa malamang kadahilanan.
Bigla na lamang bumunot ng itak ang suspek at pinagtataga ang nabiglang misis na duguang bumulagta sa insidente.
- Latest