Drug pusher pinatay sa torture
MANILA, Philippines - Tinorture muna bago pinatay ang isang pinaghihinalaang drug pusher na ang bangkay ay isinilid sa sako at itinapon sa golf course area sa Bonuan Binloc, Dagupan City, Pangasinan kamakalawa.
Batay sa ulat bandang alas- 6:00 ng umaga nang matagpuan ang bangkay ng biktima nang ito ay ire-port sa pulisya ng isang concerned citizen hinggil sa natagpuang sako na puno ng mga marka ng dugo na inabandona sa golf course.
Ang hindi pa nakilalang biktima ay tadtad ng mga saksak sa iba’t ibang bahagi ng katawan, bakas ang mga malalalim na pasa sa katawan na palatandaan ng matinding torture na sinapit nito sa mga salarin, nakagapos ang mga kamay at may masking tape sa bahagi ng ilong at bibig nito.
Inilarawan ang biktima na tinatayang may taas na 5’8” hanggang 5’10”, walang pang-itaas na damit at nakasuot lamang ng jersey na kung saan may karatula na may mensahe na “Drug pusher ako, huwag tularan, may susunod pa”.
Ang biktima ay posibleng pinatay sa ibang lugar at doon lang itinapon sa nasabing golf course upang ilihis ang imbestigasyon.
- Latest