Water level sa La Mesa Dam bumababa
MANILA, Philippines - Sanhi ng dry season sa bansa ay patuloy ang pagbaba ng water level sa La Mesa Dam sa Quezon City.
Ayon kay Engr. Teddy Angeles ng La Mesa Dam, bagamat may mga pag-uulan na nararanasan sa Luzon laluna sa Metro Manila ay hindi naman ito nagbibigay ng dagdag na suplay ng tubig sa naturang dam dahil ang tubig ulan ay napupunta na lamang sa tigang na lupa.
Ang La Mesa dam ay bahagi ng Angat-Ipo-La Mesa Water system na nagsusuplay ng 90 percent ng inuming tubig sa Metro Manila.
Pumalo sa 78.46 meters ang water level ng La Mesa dam o mas mababa sa normal na 79.3 meters ang water level sa naturang dam.
Noong nakaraang Martes ng umaga ay bumaba sa 78.56 meters ang water level, habang noong Miyerkules naman ay 78.49 meters ang water level nito na nagpapakita ng indikasyon na araw araw ay bumababa ang water level sa La Mesa Dam.
Anya, kung ikukumpara noong nagdaang Marso 2016, mas mataas ang demand ng tubig ngayong taon dahil sa sobrang init ng panahon.
Binigyang diin ni Angeles na kapag tuluyang ninipis ang tubig sa naturang dam ay magkakaroon ng paghina ng daloy ng tubig sa mga gripo ng bawat bahay sa Kamaynilaan.
Pero, kahit na humina ang suplay ng tubig ay hindi naman tuluyang mawawalan ng suplay ng tubig ang Metro Manila.
- Latest