Mga turistang Kano pinag-iingat sa Central Visayas
MANILA, Philippines - Nag-isyu kahapon ng travel advisory ang US Embassy sa Maynila para kanilang mamamayan para makapag-ingat sa pagtungo sa Central Visayas.
Batay sa paalala na nakapaskil sa website ng nasabing embahada, may natanggap silang impormasyon bagamat ‘unsubstantiated’ na ilang teroristang grupo ang posibleng mangidnap sa mga lalawigan ng Cebu at Bohol sa Central Visayas.
Pinaalalahanan din ng embahada ang kanilang mga mamamayan sa “Worldwide Caution” na inisyu noong Marso 7, 2017, na nagsasaad sa banta ng terorismo at karahasan laban sa mga US citizens.
Ang mga lugar na posible sa terroristic attacks ay mga sporting events, sinehan, palengke, mass transportation systems, mga paliparan at iba pang public venues, na madalas puntahan ng maraming tao, gayundin ang mga nightclubs, shopping malls, mga bus at mga kilalang restaurant.
- Latest