3 bihag na Malaysian nailigtas
MANILA, Philippines - Nasagip sa operasyon ng tropa ng pamahalaan ang tatlo pang bihag na Malaysian sa kagubatan ng Sulu.
Kinilala ang tatlong nasagip na bihag na sina Zulkipli bin Ali; Mohammad Ridzuan Bin Ismail; at Fandy Bin Bakran.
Batay sa ulat, bandang alas-11:30 ng gabi nang mailigtas ng mga elemento ng Army’s 63rd Infantry Battalion (IB),Marines and Naval Intelligence and Security Group (NISG) ang mga bihag sa bisinidad ng kagubatan ng Brgy.Jinggan, Panglima Estino, Sulu.
Nito lamang nakalipas na Huwebes noong nakaraang linggo ay nailigtas ng mga elemento ng Joint Task Force Sulu ang dalawang hostage na Malaysian mula sa Abu Sayyaf.
Sa kasalukuyan ay nasa 27 na lamang kabilang ang 20 dayuhan na karamihan ay mga Vietnamese at pitong Pinoy ang hawak na bihag ng mga bandido.
- Latest