Regalong Chedeng ibinebenta ni Duterte
MANILA, Philippines - Isang Mercedez Benz na iniregalo kay Pangulong Rodrigo Duterte ng isang hindi pinangalanang indibiduwal ang kanyang ibinebenta.
Sa talumpati ng Pangulo sa paggunita ng ika-30 anibersaryo ng PDP-Laban,sinabi ng Pangulo na tinanggihan niya ang nasabing luxury car pero ipinilit ito sa kanya at iniwan sa loob ng compound ng Presidential Security Group (PSG) sa Malacañang “Totoo eh, nagbigay sa akin Mercedes-Benz, totoo ‘yun. Punta ka sa PSG, nandiyan sa compound,” sabi ng Pangulo.
Nagmagandang loob aniya ang nagregalo sa kanya ng Mercedez-Benz pero hindi niya ito ginamit.
Sinabi pa ng Pangulo na kung sino man ang intresadong bilhin ang nasabing kotse ay maaari itong bilhin sa gobyerno dahil mas sanay siyang sumakay sa pick-up.
Mapupunta sa proyekto ng gobyerno ang mapapagbilhan sa nabanggit na kotse.
- Latest