US pinigilan ang China sa Scarborough
MANILA, Philippines - Ibinulgar ni Defense Secretary Delfin Lorenzana na nagawang pigilan ng Estados Unidos ang pagtatangka ng China na magtayo ng mga reclamation sa Scarborough Shoal, nasa 124 nawtikal na milya ang layo sa karagatan ng Masinloc, Zambales.
“There was a plan by the Chinese in June to build, to reclaim Scarborough Shoal…but the Americans I think told the Chinese ‘don’t do it’. For some reason, the Chinese stopped,” pagsisiwalat ni Lorenzana sa mediamen.
Sinabi ni Lorenzana na may mga barkong nagtungo sa lugar ang China na may mga kargang buhangin at iba pang materyales sa konstraksyon ang namonitor na nagtungo sa Scarborough Shoal.
Ang pangyayari ay naganap isang buwan matapos namang pagtibayin ng UN Permanent Arbitration Court na ang Scarborough Shoal ay bahagi ng 200 nawtikal na milya ng Exclusive Economic Zone (EEZ) ng Pilipinas matapos namang idismis ang 9 dash line na iginigiit ng Beijing.
Ipinunto ni Lorenzana na maging si Pangulong Duterte ay sinabing magkakaroon ng ‘red line kapag sinimulan ng China ang reclamation sa Scarborough Shoal na nasa 124 nawtikal na milya lamang ang layo sa Masinloc, Zambales.
Sa kasalukuyan, sinabi ng Defense Chief na ang mga barko ng Chinese Coast Guard ay nasa bisinidad ng Panatag Shoal na nasa 60 milya mula sa Masinloc.
Inihayag pa ni Lorenzana na ang tanging benepisyo na nakuha ng administrasyong Duterte sa pakikipagusap nito kay Chinese President Xi Jin Ping ay pinapahintulutan na ngayong mangisda ng China ang mga Pinoy sa ‘fishing ground’ ng Scarborough.
- Latest