Kinasuhan sa PDAF pinili-digong
MANILA, Philippines - Pakiramdam ni Pangulong Rodrigo Duterte na pinili lang o selective ang kinasuhan sa PDAF cases.
“Parang selective yung binira. Criminal action must proceed against all who are responsible,” wika pa ni Duterte.
Kaya naniniwala si Pangulong Duterte na nararapat lamang pag-aralang mabuti upang makasuhan ng criminal ang mga sangkot sa anomalya.
Malaki anya ang ginampanang papel ni Janet Lim Napoles sa PDAF scam at para maging state witness dapat siya ang ‘least guilty’ at hindi siya ang mastermind.
Kumbinsido din ang Pangulo na dapat lamang mapawalang-sala si Napoles sa illegal detention case nito na isinampa sa kanya ni Benhur Luy.
“The circumstances would show it. He (Luy) wasn’t restrained at all and Sol gen Calida was right,” wika pa ng Pangulong Duterte.
Ayon pa kay Duterte na kung siya ang prosecutor sa kaso ni Napoles ay ipapawalang sala niya ito.
- Latest
