2 tinedyer nalunod sa ilog

MANILA, Philippines - Kapwa patay na nang marekober ang dalawang tinedyer sa magkahiwalay na insidente nang pagkalunod sa Cavite at Camarines Norte.

Ang nasawi sa ilog ng Carmona, Cavite ay kinilalang si Anton Oliva, 19, binata, ng  Phase 1 Carmona Estate, Brgy. Lantic.

Bago ito ay nagkayaan ang biktima at 13 kaibigan na maligo sa Ulong Tubig dakong alas-5:30 ng hapon nang hindi makita ang biktima kaya’t humingi na ng tulong sa mga otoridad at natagpuan ang bangkay sa malalim na bahagi na ng ilog.

Patay na rin nang matagpuan ang 18-anyos na si Jonathan Odiver, Purok 5,Sitio Naboongan, Brgy.Daguit, Labo,Camarines Norte ng isang magsasaka na lumulutang sa Busig-on River malapit sa ginagawang tulay sa Brgy. Gumamela sa nasabing bayan.

Huling nakitang buhay noong Enero 10, 2016 na tumatawid sa spill way dakong alas-4:00 ng hapon ng ito ay madulas.