200,000 katao na biktima ng ‘Yolanda’ ‘di nakatanggap ng tulong

MANILA, Philippines - Nasa 200,000 katao na biktima ng bagyong Yolanda ang hindi umano nakatanggap ng tulong sa administrasyon ng Aquino.

Ito ang ibinunyag kahapon ni Department of Social Welfare Secretary Judy Taguiwalo na hindi nakakuha ng tulong mula sa nakaraang pamunuan ng DSWD ang nasa sa region 6 at region 8.

Aniya, ang report ay isinumite na nila sa tanggapan ni Pangulong Rodrigo Duterte kaugnay sa natuklasan nilang ‘katiwalian’ sa pondo na para sa Yolanda victims.

Sinimulan nila ang imbestigasyon sa Yolanda fund donations nang maupo sila noong Hulyo dahil na rin sa kahilingan ng mga biktima ng bagyo.