4 tinedyer itinumba

MANILA, Philippines - Hinihinalang biktima ng salvage ang natagpuang bangkay ng apat na tinedyer kabilang ang isang dalagita matapos pagbabarilin ng hindi pa nakilalang mga salarin sa Ormoc City, Leyte kahapon ng umaga.

Isa lamang sa mga biktima ay nakilalang si Jason Carillo, 16, naninirahan sa Brgy. San Jose ng lungsod.

Habang ang babaeng biktima ay may tattoo naman na marking “Jeanne “ sa kaniyang kanang kamay.

Batay sa ulat, bandang alas-6:00 ng umaga nang mabulaga ang mga residente sa pagkakatagpo sa apat na biktima sa  Brgy. Sumangga at Brgy. Salvacion ng lungsod na ito.

Ang mga bangkay ay nakagapos ang mga kamay, nilagyan ng masking tape sa mukha at may mga tama ng bala sa ulo, leeg at likod.

Lumalabas sa imbestigasyon na ang mga biktima ay miyembro umano ng Salisi gang na nambibiktima ng mga pasahero sa bus terminals.

Narekober naman ng Scene of the Crime Scene (SOCO) team operatives ang mga basyo ng bala ng cal. 45 pistol.