P5-M reward sa makakapatay ng bigtime drug lord
MANILA, Philippines – Handang magbigay ng P5 milyong reward si President elect Rodigo Duterte sa sinumang makakapatay ng bigtime druglord.
“Ang bayad ko ngayon, pagka-drug lord P5 million ‘pag patay. Kung (buhay), P4 million 999 thousand lang,” wika pa ni Duterte sa thanksgiving party sa Crocodile Park sa Davao City noong Sabado ng gabi.
Sa thanksgiving party na dinaluhan ng 5,000 katao ay sinabi pa ni Duterte na wala na umanong silbi ang mga rehabilitation centers para sa mga drug addicts at drug pushers.
Nagpahiwatig din ang incoming president sa pagiging ‘vigilant’ ng mamamayan kung saan ay hinikayat niya ang citizens arrest sa mga suspected drug pushers sa kanilang barangay at kapag lumaban ay puwede nilang barilin ito.
“Kaya kayong nandiyan sa neigborhood feel free to call us, the police, or do it yourself if you have the gun. Inaaresto kita bilang isang kriminal and I am invoking the criminal law of the land on the selling of shabu. Sumama ka sa akin sa istasyon.
I have to bring you to the (police) station,” dagdag pa ni Duterte.
Naunang sinabi ni Duterte sa kanyang mga press conference na nais niyang ibalik ang parusang bitay sa pamamagitan ng bigti.
- Latest
