Jeep swak sa bangin: 1 todas, 2 sugatan
MANILA, Philippines – Hindi na umabot ng buhay sa ospital ang isang lalaki habang malubhang nasugatan ang dalawang iba pa matapos ang sinasakyan nilang jeep ay nahulog sa bangin sa kahabaan ng highway ng Goldfield, Brgy.Poblacion, Itogon, Benguet, kamakalawa.
Ang nasawi ay kinilalang si Lander Sukao, nasa hustong gulang, minero. Habang nilalapatan ang mga nasugatang sina Manuel Comising, 57, at Roy Kiange, 26,pawang ng Itogon, Benguet. Batay sa ulat, bago nangyari ang aksidente dakong alas-6:40 ng umaga ay binabaybay ng Willis type jeep na minamaneho ni Comising ang nasabing highway at nang ito ay liliko ay iniwasan nito ang isang malaking bato sa kanang bahagi ng highway.
Namiskalkula umano ni Comising ang pagmamaniobra sa sasakyan bunsod upang mahulog ito sa bangin sa tabi ng highway.
- Latest
