Binatilyo nalunod sa ilog
MANILA, Philippines - Isang 13-anyos na binatilyo ang nasawi matapos na tangayin at malunod habang naliligo sa ilog noong Miyerkules sa Malabon City.
Ang nasawi ay kinilalang si Mark John Michael Aries Ruiz, ng Block 6, Lot 21, Magsaysay Extension, Brgy. San Agustin, ng naturang lungsod.
Batay sa ulat, unang naiulat na nawawala ang biktima nitong nakaraang Miyerkules matapos na maligo kasama ang mga barkada.
Agad namang humingi ng saklolo ang mga magulang ng biktima sa mga opisyal ng barangay ngunit hindi na makita ang biktima sa kabila ng masusing paghahanap.
Kahapon ng alas-6:00 ng umaga nang matagpuan ng kapitbahay na si Marvin Nuñez ang bangkay ni Ruiz sa gilid ng Tonsuya River sa may Magsaysay Extension sa Brgy. San Agustin.
- Latest