Biker iniwasan ang bato nabangga ng bus, todas
MANILA, Philippines - Iniwasan ng isang biker ang isang batong nakaharang sa kanyang daraanan, subalit hindi nito napansin ang mabilis na pagdating ng isang bus at nasalpok ito kamakalawa ng gabi sa Pasig City.
Nasawi noon din ang biktimang si Bienvenido Brabante, nasa hustong gulang ng Purok 1, East Bank Road, Floodwater, Barangay Sta. Lucia,
Pasig City.
Batay sa ulat, bago nangyari ang aksidente dakong alas-5:00 ng hapon sa Ortigas Avenue, harapan ng Sto. Rosario Church sa Barangay Rosario sa lungsod ay minamaneho ng biktima ang kanyang bisikleta at binabaybay ang kahabaan ng Ortigas Avenue nang iwasan nito ang isang bato sa kalsada na siya namang pagdating ng Daewoo passenger bus na minamaneho ni Sonny Boy Espiritu at nahagip ito.
Ang biktima ay pumailalim at nasagasaan ng gulong na naging dahilan ng kanyang kamatayan.
Sumuko ang driver at nahaharap sa kasong reckless imprudence resulting to homicide.
- Latest
