VP Binay suportado ng Martial Law fighters at ex-detainees
MANILA, Philippines – Nagpahayag ng suporta ang isang grupo na binubuo ng mga Martial Law fighters at mga dating political detainees ang kandidatura sa pagkapangulo ni Vice President Jejomar Binay sa 2016 dahil malinaw na si Binay ang siyang bubuo ng mga nabigong pangarap ng kabataan.
Ayon kay Mauro Gia Samonte, Barangay Binay’s National Spokeperson na nararamdaman nila na ang bansa ay muling aangat at hindi na mapipigilan ang tagumpay ni Binay sa halalan.
Ang grupo ay binubuo ng mga dating revolutionary leaders sa mga organisasyon tulad ng Katipunan ng mga Samahan ng Manggagawa (KASAMA), Kabataang Makabayan (KM), Samahang Demokratiko ng Kabataan (SDK) at iba pang samahan na pro-democracy sa ilalim ng Movement for Democratic Philippines (MDP) na nagtulak sa mga tao na labanan ang panahon ng dikdaturya ng Marcos.
Sinabi pa ni Samonte na si Binay ay siyang susunod na pangulo ng bansa at sa administrasyon nito ay malinaw na aayusin ang mga bigong pangarap ng mga sambayanan na siya naman inaagaw ng may madilim na hangarin na ito ay hindi mangyari.
“ Hindi kami papayag na ito ay mangyari. Dapat ay maging vigilant. Maging handa at siguraduhin na si VP Binay ay hindi madadaya sa magiging tagumpay nito,” wika ni Samonte.
Inihayag pa ni Samonte na sa ilalim ng administrasyon ni Binay ay muling sisigla ang ekonomiya tulad sa Makati, social services tulad ng pabahay na bibigyan ng malaking pondo at maging ang mga overseas Filipino workers (OFWs) ay hindi na mapapabayaan.
- Latest
