Jolo isasailalim sa paraffin test
MANILA, Philippines – Sumulat na ang Muntilupa police sa pamilya Revilla noong Marso 2 at hiniling na i-paraffin test si Cavite Vice Governor Jolo Revilla matapos nitong mabaril ang kanyang sarili habang nasa loob ng bahay ng kanyang mga magulang sa Ayala Alabang Village Muntinlupa City noong Sabado ng umaga.
Ayon kay P/Senior Supt. Allan Nobleza, hepe ng Muntinlupa City Police, kapag aniya may mga ganitong insidente ay mayroon silang standard operating procedure (SOP) upang malaman kung sino ang may hawak ng kalibre Glock 40.
Naintindihan naman ng pulisya ang pamilya Revilla kung hindi pa ito tumutugon sa kanilang kahilingan, dahil mayroon pa silang pinagdadaanang problema kung saan nagpapagaling pa si Jolo sa Asian Hospital dahil sa maselan nitong kondisyon.
Samantala, isinuko na kahapon ng pamilya Revilla ang nasabing baril na nakaaksidente kay Jolo.
Hindi na hihirit pa si suspended Senator Bong Revilla na makalabas muli ng kulungan para mabisita ang anak dahil sa gumaganda na ang kondisyon nito.
Ayon sa tagapagsalita ng pamilya Revilla na si Atty. Raymond Fortun na umiiwas sila sa mga batikos ng ilan na ginagamit ang kalagayan ng anak para malabas ng kulungan sa PNP Custodial Center sa Camp Crame.
- Latest