Kapatiran mahalaga sa SEAG--Tolentino
MANILA, Philippines — Bukod sa agawan sa medalya ay mahalaga rin para sa mga miyembro ang pagbubuo ng kapatiran sa Southeast Asian Games.
Ito ang mensahe ni Philippine Olympic Committee (POC) president at Tagaytay City Rep. Abraham ‘Bambol’ Tolentino kahapon sa pagdiriwang ng Torch Relay sa pamamahala ng Vietnam sa biennial event sa Mayo 5-17.
“Everybody will be competing for medal, but that’s secondary,” ani Tolentino. “Building friendship among Southeast Asian nations is the primary objective of the Games.”
Ang motto ng Cambodia para sa 32nd edition ng SEA Games ay “Live in Peace”.
Mula kay Cambodia Tourism Minister Hor Sarun hanggang kay Cambodian Ambassador to the Philippines Phen Peuv ay ipinasa ang torch kay Tolentino.
“We warmly welcome the SEA Games Torch which is now celebrating Cambodia’s first-time hosting of the games,” wika ng POC chief. “Just like in our SEA Games hosting in 2019, we value this celebration not only for sports but for peace and camaraderie in the region.”
Nagsimula ang Torch Relay sa Delos Reyes Avenue sa harap ng Tagaytay City BMX and Skate Park at dumaan sa Mahogany Road pabalik sa Start/Finish area via Isaac Tolentino Avenue.
Ang mga atleta ng cycling, taekwondo, football, kickboxing at boxing ang nagbitbit ng torch kasama si Paralympic Committee head Mike Barredo at Philippine Sports Commissioner Walter Torres.
Kabuuang 840 atleta ang isasabak ng Pilipinas sa 608 events ng 38 sports sa 2023 Cambodia SEA Games.
- Latest