SMB dadalawahan ang Bolts
MANILA, Philippines — Nilamog ng San Miguel ang Meralco, 121-97, sa Game One ng kanilang best-of-seven semifinals series noong Miyerkules.
Pero inaasahan ni coach Leo Austria na hindi magiging kampante ang kanyang mga Beermen sa pagharap sa Bolts sa Game Two ngayong alas-3 ng hapon sa 2022 PBA Philippine Cup sa Smart Araneta Coliseum.
“Delikado baka mag-relax. Ia-address ko iyan sa kanila,” wika ni Austria. “This is just one game of a long series. We’ll try our best na talagang gawin ang game plan.”
Sa nasabing panalo ng San Miguel ay kumamada si CJ Perez ng 25 points habang humakot si Rodney Brondial ng career-high 20 markers at 11 rebounds.
“We succeeded in Game One, I hope we can sustain it in the next game,” dagdag ni Austria sa pagharap sa Meralco.
Sa alas-6 ng gabi naman magtutuos ang nagdedepensang TNT Tropang Giga at Magnolia.
Pinabagsak ng Tropang Giga ang Hotshots, 108-96, tampok ang 26 points, 5 rebounds at 4 assists ni Mikey Williams para sa 1-0 lead sa kanilang semis duel.
“We’re pretty sure they’re going to come up with something different the next time and it’s upon us to be ready for it and to prepare ourselves for it,” wika ni TNT mentor Chot Reyes. “This is just one win and we’re preparing for a long series.”
Determinado ang Magnolia na makatabla sa serye, ayon kay coach Chito Victolero.
- Latest